Загреб, 13. декември 2017 (ОХРИДПРЕС) – Голманот на Вардар, Арпад Штербик го доби признанието за најдобар ракометар во светот во избор на специјализираниот ракометен сајт „Хендбол планет“.
„Хендбол планет“ традиционално прави избор на најдобрите во ракометот, а во гласањето учествуваа 30 новинари од 27 земји, како и преку 110.000 посетители на сајтот.
Големиот Арпад Штербик го доби најважното признание, ракометар на годината. Тој беше еден од најзаслужните за историската година на Вардар и освоената Лига на шампиони.
Арпад Штербик е единствениот претставник на Вардар во тимот на годината иако македонскиот шампион ја покори Европа. Таму има дури пет ракометари на ПСЖ, по еден на Вардар, Скјерн и Барселона.
Тим на годината:
Лево крило: Уве Генсхејмер (ПСЖ)
Лев бек: Микел Хансен (ПСЖ)
Плејмејкер: Никола Карабатиќ (ПСЖ)
Десен бек: Недим Ремили (ПСЖ)
Десно крило: Виктор Томас (Барселона)
Пивот: Бјарте Мирхол (Скјерн)
Голман: Апад Штербик (Вардар)
Дефанзивец: Лука Карабатиќ (ПСЖ)
