Охрид, 2. февруари 2018 (ОХРИДПРЕС) – По повод празникот Св.апостол Тимотеј во манастирот „Св. Климент и Пантелејмон“ на Плаошник утре ќе се служи вечерна богослужба, информираат од Дебарско-кичевската епархија.

Богослужбата е со почеток во 16:00 часот, а ќе чиноначалствува Неговото Високопреосвештенство Митрополитот Дебарско-кичевски и Администратор Австралиско-сиднејски г. Тимотеј.

Во недела, на 4-ти февруари, со почеток во 08:45 часот ќе се служи света архиерејска литургија, на која ќе чиноначалствува Неговото Високопреосвештенство Митрополитот Дебарско–кичевски и Администратор Австралиско-сиднејски г. Тимотеј. (Крај)

извор: ОхридПрес фото: архива