Струга, 14. јануари 2017 (ОХРИДПРЕС) – Големата културна и верска манифестација „Вевчанскиот карневал 2017“ завршува денес со традиционалното палење на маските.

Главниот дел, дефилето на маските се случи вчера. Уникатните маски го привлекуваа вниманието на бројните посетители од земјава и странство.

Синоќа во Вевчани настапија фолк музичарите Анета Наковска и Ефто Пупиновски, додека предходната вечер Вевчанци ги забавуваа женскиот бенд од Нови Сад „Фрајле“, дуото ДНК и групата Нокаут.

Како што се вели, една фотографија – илјада зборови, погледнете ја магијата на Вевчанските маски од годинешниот карневал, преку фотографиите на познатиот фотограф и поет Анастас Ќушкоски. (Крај)

извор: ОхридПрес фото: Анастас Ќушкоски