Скопје/Струга, 15. март 2020 (ОХРИДПРЕС) – Министерството за труд и социјална политика информира дека четирите прифатни пунктови за бездомни лица, отворени во соработка со Црвен крст, се функционални и согласно препораките на Владата делат пакувана храна, маски и гелови за дезинфекција за бездомните лица.

Во функција се прифатните пунктови во Скопје, Битола, Струмица и Струга. Дополнително, во Скопје функционира и медицински пункт во Момин Поток, во организација на Црвен Крст. Хигиенски производи се дистрибуирани и на бездомните семејства сместени во Визбегово.

Дополнително, Министерството преку центрите за социјална работа организира акција за набавка и дистрибуција на средства за дезинфекција и заштитни средства за семејствата кои живеат во субстандардни услови. (Крај)

извор: Министерство за труд и социјална политика фото: архива