Охрид, 28. септември 2017 (ОХРИДПРЕС) – Дебарско-кичевската епархија ги известува православните верници дека во сабота, на 30-ти септември 2017 година, во катедралниот храм „Света Софија“ во Охрид, со почеток во 09:00 часот, ќе се служи света архиерејска литургија по повод празникот „Св. маченички Вера, Надеж, Љубов и мајка им Софија“.

На светата литургија ќе чиноначалствува Неговото Високопреосвештенство Митрополитот Дебарско-кичевски и Администратор Австралиско – сиднејски г. Тимотеј (едноцрквие).

Вечерта во манастирот „Св. Климент и Св. Пантелејмон“ на Плаошник, во 17:00 часот ќе се служи вечерна богослужба.
Во 18:30 во катедралната црква „Св. Софија“ во Охрид ќе се одржи свечена академија по повод јубилејот 50 години автокефалност на МПЦ-ОА.

Во недела, на први октомври, во катедралниот храм „Света Софија“ во Охрид, со почеток во 09:00 часот ќе се служи света архиерејска литургија, по повод празникот „Собор на сите македонски светители“ на која ќе чиноначалствува Неговото Блаженство Архиепископот Охридски и Македонски г.г. Стефан во сослужение на останатите членови на Светиот Архиерејски Синод на МПЦ-ОА.

На овој ден богослужба ќе има само во црквата „Св. Софија“ во Охрид (едноцрквие). (Крај)

извор: ОхридПрес фото: архива