Скопје, 15. јули 2024 (ОХРИДПРЕС) – Две третини, односно 73.8 отсто основци се запишале во стручните училишта, а само 26.2 проценти решиле образованието да го продолжат во гимназиите низ државава, информираат од Министерството за образование и наука.

Тоа во бројки е од над 15.000 ученици, повеќе од 11.000 се запишале во стручните училишта, а нешто над 4.500 во гимназиите.

Ваквата состојба според дел од директорите на стручните училишта не е изненадување. Големиот интерес е поради можноста од брзо вработување на учениците по завршување на средното образование. Ваквиот тренд не ги плаши првите луѓе во гимназиите, кои сметаат дека нивните училишта нудат поразлични можности и ќе продолжи да биде популарни за идните средношколци.

Еден од проблемите поради кои се намалува бројот на ученици во земјава, е масовното иселување на граѓаните, поради што за една година биле затворени дури 14 основни училишта во Македонија. Податоците на ДЗС покажуваат дека во учебната 2009/2010 година во средните училишта во земјава имало над 95 илјади ученици, а во 2021/2022 година имало 24 илјади помалку. (Крај)

извор: Канал 5 фото: Слободен печат