Приштина/Скопје, 22. јануари 2022 (ОХРИДПРЕС) – Поради влошување на состојбата со Covid-19 во Република Косово, нивните власти вчера донесоа нова одлука, која итно уште од денес стапи на сила, а со која се засилува режимот за влез на државјаните на Република Македонија.

Со новата одлука, за влез во Република Косово потребно е да се приложи потврда за примена трета доза вакцина против Covid-19, или потврда за две дози на вакцина заедно со негативен PCR тест не постар од 48 часа.

– И со новата мерка ограничувањата не важат за влез на малолетни лица до 12 години како и одредени исклучоци кои се поврзани со транзит низ земјата, слетување и полетување на приштинскиот аеродром и други случаи во кои лицата не престојуваат подолго од 3 часа во земјата. Додека лицата кои не се вакцинирани поради здравствени причини, при влез во Косово се задолжени да поседуваат потврда за истото од доктор специјалист заедно со негативен PCR тест, не постар од 48 часа, информираат од Министерството за надворешни работи на Република Македонија. (Крај)

извор: ОхридПрес фото: архива