Охрид, 17. декември 2017 (ОХРИДПРЕС) – OhridPress го спроведува проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.
– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.
Охрид во 10 на 17. декември 2017 година
Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress.
инфо: 17.12.2017 година
– До 25-ти декември се поднесуваат барања за финансирање на органско производство
– Ќе се собираат средства за изградба на нов стационар
– Конкурсот за доделување општински стипендии за основци и средношколци трае до 20-ти декември
– Заштитата на Охридското Езеро една од темите на заедничката седница на македонската и албанската влада
– Зоран Костовски е нов раководител на охридскиот Центар за вработување
– СВР Охрид со официјално соопштение: Затруени се четири кучиња
– Куче касна 25-годишна жена од Косел