Охрид, 27. октомври 2017 (ОХРИДПРЕС) – OhridPress го спроведува проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.
– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.
Охрид во 10 на 27. октомври 2017 година
Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress.
инфо: 27.10.2017 година
– Метео: Претежно сончево време денес во Охрид со температура до 20. степени
– Преподобна Параскева (Света Петка) – Петковден
– Ликовна работилница „Цвеќе на мирот“ во ОУ „Братство единство“
– Протест во Горна Влашка маала против поставување базна станица
– Кривична за охриѓанец кој кршел прозори и фрлил запалива материја во стан
– Две лица повредени при превртување на машина за сечење дрва
– Нови ветришта во Општина Охрид: Ќе негуваме партнерски и колегијален однос со седмата сила
– Од М.П.З. „Методија Патче“ ги донираа средствата собрани од хуманитарниот турнир во Street Ball