Охрид, 5. јануари 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.
– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.
Охрид во 10 на 05.01.2017 година
Проектот „Охрид во 10“ , покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress. (Крај)
извор: ОхридПрес фото: ОхридПрес
инфо: 05.01.2017 година
– Утрово беше отежнат сообраќајот на патиштата во Југозападниот дел од републикава, имаше врнежи од снег со послаб интензитет на планинскиот превој Стража.
– Се отслужи утрената литургија и богослужба во манастирскиот комплекс Свети Наум Охридски во чест на Свети Наум Охридски Чудотворец.
– Централниот Регистар на Република Македонија со решение на Основен суд Охрид побара стечај за охридски ЕМО.
– Меѓународното жири на Охридската академија на хуманизмот одлучи Светската награда за хуманизам за 2017 година да му ја додели на големото име на чешката и светската кинематографија – Јиржи Свобода.
– Ротаракт клубот „Охрид“ за хуманитарната Бадниковата акција одлучи собраните средства да бидат наменети за здравствениот третман на Јана Арсовска на клиниката во Фленсбург – Германија.
– Бројот на заболени лица од грип во Охрид е 260 лица, лекарите советуваат да се консумира вода и чаеви за превенција.
– Според извештајот на Државниот завод за статистика цените на угостителските услуги останале на исто ниво.
– Градежен работник се повреди при работа на автопатот во изградба Кичево-Охрид.
– Снегот го отежнува сообраќајот преку „Стража“.