Охрид, 6. февруари 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.
– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.
Охрид во 10 на 06.02.2017 година
Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress. (Крај)
инфо: 06.02.2017 година
– Најавен нов циклус на семинари за годинава во Охрид и други градови, неменет за медијацијата како начин на решавање на споровите.
– ОУ „Григор Прличев“ вечерва ќе потпише Меморандум за соработка со Гете Институтот – Скопје.
– Нема промени на цените во угостителството.
– Oд полноќ се очекува поскапување на горивата.
– Се одржа книжевен портрет на македонскиот и светски познат поет Јовица Тасевски – Етернијан во рамките на Прличевите честувавања.
– Вечерва во Скопје ќе се одржи промоција на поштенски марки со мотиви на Охрид и Санкт Петербург.