Охрид, 14. јануари 2023 (ОХРИДПРЕС) – Туристички Охрид денеска, на првиот ден по Стара Нова година, повторно блеска во целата своја убавина.

Во градот се’ уште има бројни посетители, кои заедно со охриѓани и сите вљубеници во градот под Самуиловата тврдина, уживаат во финалето на празничниот „маратон“, кој секоја година започнува со празникот посветен на Св. Никола и трае се’ до Богојавление Водици и Денот на рибарите на 19-ти и 20-ти јануари.

Денеска е 14-ти јануари, денот посветен на Св. Василиј Велики, празник кој го одбележуваат голем дел од православните верници и ден кога завршува карневалот во Вевчани.

Погледнете дел од атмосферата утрово во центарот на градот, како официјална покана за СИТЕ да го посетат викендов Охрид.

извор: ОхридПрес фото: ОхридПрес