Охрид, 14. декември 2019 (ОХРИДПРЕС) – Според календарот на МПЦ (Јулијанскиот календар), утре е први декември, ден на Св. пророк Наум и св. Филарет Милостивиот.

Свети пророк Наум е еден од старозаветните пророци. Живееше 700 години пред Христа. Денес се слави и споменот на еден чудесен, премилостив светител, Филарет Милостивиот. И не случајно беше наречен милостив. Во почетокот тој беше имотен човек, но раздаде буквално се и потполно осиромаши, така што во семејството немаа леб да јадат.

Но, Господ не го заборави, туку се случи синот на царицата Ирина, Константин, за жена да ја избере токму внуката на свети Филарет. Така целата нивна фамилија се здоби со големи почести и се пресели во престолниот град. Свети Филарет и натаму продолжи да ги помага сиромасите. Блажено се успокои во 797 година, во длабока старост.

Православните верници утре мора да одат во црква, да се помолат и да запалат свеќи за здравје. (Крај)

извор: МПЦ-ОА/skopje24.mk фото: архива