Манчестер, 18. декември 2017 (ОХРИДПРЕС) – Раководството на Манчестер Сити има намера да му понуди нов, тригодишен договор на Пеп Гвардиола, откриваат англиските медиуми.
46-годишниот Каталонец сезоната ја започна со 17 победи и едно реми во првите 18 натпревари од Премиер лигата и постави нов рекод. Тоа го натера извршниот директор Феран Сориано да му предложи нов договор на Гвардиола.
Веста денес ја објави „Скај Спорт“ и открива дека големата предност која ја има Сити пред ривалите ќе му дозволи на раководството по рано да ги започне преговорите со Гвардиола.Каталонскиот стратег има договор со Манчестер Сити до 2020 година, но раководството сака тој да биде продолжен до 2023 година.
Англиските медиуми откриваат дека со новиот договор Гвардиола годишно ќе заработува 20 милиони фунти по сезона. (Крај)
извор: Спортски.мк фото: архива