Струга, 24. декември 2017 (ОХРИДПРЕС) – На регионалниот пат Р-1201 во струшкото село Велешта, ноќеска, 40 минути по полноќ се случила сообраќајна незгода во која е потешко повредено едно лице.
– Во инцидентот учествувале возило „Голф“ со струшки регистарски ознаки, управувано од 21-годишниот Н.Н. од Велешта, и возило „БМВ“ исто така со струшки регистарски ознаки управувано од страна на 45-годишниот Џ.Ш. од истото село. Во незгодата возачот на возилото „Голф“се здобил со тешки телесни повреди, а поради сериозноста на повредите со возило на итна медицинска помош е префрлен во болницата „Св. Еразмо“, каде е задржан на лекување. Увид на лице место извршила екипа од Полициска станица Струга, информираат од СВР Охрид. (Крај)
извор: ОхридПрес фото: архива