Струга, 7. јануари 2023 (ОХРИДПРЕС) – Познатиот музичар Meto Di Flash со супер музички подарок за сите вљубеници во добрата македонска музика, неговата нова песна „Среќа е“.
– Среќа е да бидеш со твоето семејство. Среќа е да сакаш и да бидеш сакан. Уште поголема среќа е кога можеш да запееш со своите најблиски. Овие се моите пријатели кои исто така ми се како и семејство. Немаат професионално музичко искуство, но пеат од срце и душа, никогаш не ме оставаат сам и за нив ја напишав мојата нова песна „Среќа е“. Среќни празници на сите и бидете среќни, порача Meto Di Flash на неговиот профил на Facebook.
Песната има вистински празничен звук и е само продолжување на сингловите кои тој ги издава периодов наназад.
– Среќна си ти, среќен сум јас, среќа е да пееме сите на глас. Кога среќна си ти, среќен сум јас, среќа е да бидеме сите заедно до крај, порачува стружанецот Meto Di Flash во песната за која е изработено и видео кое изгледа навистина одлично. (Крај)
извор: ОхридПрес фото: архива