Шибеник, 10. декември 2019 (ОХРИДПРЕС) – Близу Шибеник, Хрватска, вчера била фатена ајкула тешка половина тон, а била во мрежата заедно со други риби од уловот.

Ајкулата му припаѓа на видот Хеxанчус грисеус и бргу потоа е вратена во морето. Перо Угарковиќ од хрватскиот Институт за океанографија и рибарство изјави дека животното не е опасно и дека се работи за вид кој живее во подлабоките делови на морето и прилично ретко се појавува во плиткото.

– Понекогаш овие ајкули имаат блиски средби со нуркачите… Тие кои се снимени по правило се помали, оти кога ќе пораснат, избегнуваат светлина. Овој вид живее во сите светски мориња, изјави Угарковиќ. (Крај)

извор: Плус инфо фото: архива