Охрид, 28. декември 2019 (ОХРИДПРЕС) – Учениците од шестите и осмите одделенија при ОУ „Григор Прличев“ од Охрид организираа предновогодишен настан во спортската сала на училиштето.

– Покрај одделенските предновогодишни приредби, овие ученици во соработка со родителите и наставниците успеаја барем за момент на поинаков начин да ја испратат годинава што изминува и да ја навестат идната. Учениците презентираа свои изработки пред останатите ученици и вработени во училиштето, настанот беше реализиран во пријатна атмосфера, а новогодишната музика само ја подобри комуникацијата меѓу присутните, информираат од училиштето.

Испраќаат благодарност за учениците кои несебично се вклучија во настанот, како и до сите присутни и додаваат дека овие настани ја зацврстуваат и подобруваат соработката помеѓу возрасните, сè со цел учениците- нашите деца да израснат во здрави личности. (Крај)

извор: ОхридПрес фото: архива