Охрид, 15. јуни 2020 (ОХРИДПРЕС) – Во насока на запознавање на пошироката македонска јавност со капацитетите и понудата со кои располага убавиот Охрид, Супер радио и OhridPress ја започнуваат акцијата „Ова лето СИТЕ ВО ОХРИД“.
Со одлука на Владата на Република Македонија, како дел од пакетот „Дома си е дома“, сите вработени кои добиваат плата под 15 илјади денари ќе добијат ваучер од 6.000 денари за да одат на одмор, за така да му се помогне на туристичкиот сектор во време на корона-кризата. Туристичките ваучери се очекува да му помогнат на домашниот туристички сектор да го преживее ударот од пандемијата на COVID-19. Ваучерот ќе може да се искористи во сите категоризирани угостителско-туристички објекти во земјава во периодот од 15-ти јули до 15-ти декември.
Супер радио и OhridPress во периодот пред официјалниот старт на летната туристичка сезона, ќе Ви презентираат голем дел од најрепрезентативните капацитети во Охрид, во делот на хотелското сместување, но и поатрактивните апартмани.
Денес Ви го претставуваме езерскиот комплекс „Метропол“:
Доживете ја смиреноста, едноставноста и комфорот во погледот кон езерото од една страна и бескрајната зелена шума на Националниот парк „Галичица“ од другата страна. Опкружен од борова шума, Комплексот нуди тивко место, кое е вистински рај за туристите, нуди сенка и ладовина во текот на жешките летни денови и волшебен поглед кон прекрасното Охридско Езеро.
Комплексот располага со три реновирани хотели: „Метропол“ 4*, „Белви“ 4* и „Турист“ 3*.
Контакт:
046/253-001
Facebook: MetropolLakeResort
извор: ОхридПрес Охрид фото: архива
