Битола, 13. ноември 2020 (ОХРИДПРЕС) – Зимскиот распуст за учениците ќе почне согласно календарот објавен од Бирото за развој на образованието и ќе се реализира исто како и минатите години, односно во јануари, изјави министерката за образование и наука Мила Царовска за време на денешната посета на Битола.
Царовска потсети дека во овој период, до 20 ноември ќе заврши првото тромесечие и ќе се формираат оценки, а до крајот на годината ќе заврши второто тромесечие.
– Второто полугодие за сите ученици ќе почне на 21-ви јануари – потврди Царовска. (Крај)
извор: Плус инфо фото: архива