Охрид, 18. септември 2021 (ОХРИДПРЕС) – Во понеделник и вторник, на 20-ти и 21-ви септември, на Универзитетот за информатички науки и технологии „Св. Апостол Павле“ во Охрид ќе се врши прием на студенти во вториот уписен рок за новата академска 2021/2022 година.

– На Универзитетот преостануваат слободни места за упис на следните факултети односно студиските програми за компјутерски науки и инженерство – 55 места; комуникациски мрежи и безбедност – 79 места; применети информатички технологии, машинска интелигенција и роботика – 116 места; информатички системи, визуелизација, дигитална мултимедијална и анимациска техника – 73 места; како и на информатички и комуникациски науки – 77 места, информираат од Универзитетот.

Додаваат дека сите заинтересирани, повеќе информации за уписите може да се најдат на веб страната на Универзитетот www.uist.edu.mk и на телефон 046/511-000. (Крај)

извор: ОхридПрес фото: ОхридПрес