Охрид, 12. ноември 2021 (ОХРИДПРЕС) – По вежбата која вчера се одржа во СОУ „Св. Климент Охридски“, и во ОЕМУЦ „Св. Наум Охридски“ од Охрид денес се испробуваше и применуваше оперативниот план за заштита и спасување и планот за евакуација во училиштето преку реализација на показна тренинг вежба според соодветно сценарио.
– Целта беше, учениците, професорите и техничкиот персонал во училиштето да се запознаат и ги разработат начините на заштита и насоките на движење при евакуација од училишната зграда, после случен земјотрес и пожар. На вежбата учествуваа и соодветни тимови на Територијалната против пожарна единица Охрид, СВР Охрид и Црвен крст Охрид, како и претставници на Дирекцијата за заштита и спасување и Центарот за управување со кризи, информираат од Црвен крст Охрид.
Додаваат дека продолжуваат со реализација на вакви вежби и во останатите средни и основни училиште во Охрид и Дебрца. (Крај)
извор: ОхридПрес фото: Црвен крст Охрид