Антакија, 20 февруари 2023 (ОХРИДПРЕС) – Земјотрес со јачина од 6,4 степени (според некои извори, 6,3 степени) повторно ја потресе јужна Турција, а локалните медиуми јавуваат дека во потресот има урнати згради.

Потресот се случи во градот Антакија во јужна Турција, во регионот Хатај, јави Ројтерс, повикувајќи се на Европско-медитеранскиот сеизмолошки центар.

Според очевидци има нови разурнувања на згради. Дирекцијата за управување со катастрофи и вонредни ситуации (АФАД), јави дека земјотрес со јачина од 6,4 степени според Рихтеровата скала е регистриран денеска во 20:04 часот по локално време со епицентар во Дефне, во округот Хатај, јави агенцијата Анадолија.

Потресот предизвика паника и страв кај локалното население. (Крај)

извор: ОхридПрес фото: архива