Охрид, 20. мај 2023 (ОХРИДПРЕС) – Учениците од OЕМУЦ „Св. Наум Охридски“ постигнаа уште еден забележителен успех на Меѓународниот натпревар од областа на електротехниката и мехатрониката „Балкан Јуниор 2023“, кој на 19-ти мај 2023 година се одржа во Никшиќ, Црна Гора.
– Нашиот тим составен од учениците Бојан Петроски од образовниот профил Техничар за производно машинство и Наум Алачоски од образовниот профил Техничар за компјутерско управување под менторство на професорите Наташа Јанковска Китани и Ангеле Буџакоски го освои првото место. Големиот успех е дотолку позначаен, затоа што е освоен во конкуренција на средни училишта од Србија, Словенија, Хрватска, Црна Гора, Турција и Романија, потенцираат од OЕМУЦ „Св. Наум Охридски“.
На учениците и менторите им го честитаат постигнатиот успех и им посакуваат уште поголеми успеси и во иднина. (Крај)
извор: ОхридПрес фото: архива
