Лондон, 28. февруари 2015 (ОХРИДПРЕС) – Општото правило дека треба да се спие од 6 до 8 часа, не важи секогаш за секоја единка, затоа што некои луѓе се поспани и по 7 или 8 часа спиење, додека некои имаат здрава навика за спиење и добро се чувствуваат и по 5 часа спиење.

Основни совети се спиењето да биде со изгаснати светла и спуштени завеси. Целосната темнина е важна. Неколку часа пред спиење не треба да се јаде и да се прават физички вежби. Истото се однесува и за алкохолот.

Просечната доза спиење, може да варира според возраста и здравјето.

Новородените деца имаат потреба од 14-15 часа спиење, а малите деца имаат потреба од 12-14 часа спиење. Кога децата ќе почнат да одат на училиште, дозата паѓа до 9-10 часа. Тинејџерите се чувствуваат добро при 8-9 часа спиење. Возрасните имаат потреба од 6-8 часа. Бремените жени може да се одмораат повеќе пати во текот на денот, со кратки дремки, но и кај нив спиењето не треба да е претерано.

Треба да се слуша сопственото тело. Не треба да се раководиме по строго правило. Некогаш на телото му е потребно повеќе сон, некогаш помалку, а не треба да се форсира. (Крај)

извор: Дејли Мејл фото: архива