Охрид, 29. јуни 2017 (ОХРИДПРЕС) – Дебарско-кичевската епархија ги известува православните верници дека во недела, на 2-ри јули, во манастирот „Свети Наум Охридски“ во Охрид, со почеток 19:00 часот ќе се служи празнична вечерна богослужба по повод празникот „Св. Наум Охридски“.

На вечерната богослужба ќе чиноначалствува Неговото Високопреосвештенство митрополитот Дебарско-кичевски и Администратор Австралиско – сиднејски г.Тимотеј.

Во понеделник, на 3-ти јули, со почеток во 08:45 часот ќе се служи света архиерејска литургија, на која ќе чиноначалствува Неговото Високопреосвештенство митрополитот Дебарско-кичевски и Администратор Австралиско – сиднејски г. Тимотеј. (Крај)

извор: ОхридПрес  фото: архива