Мадрид, 15. декември 2017 (ОХРИДПРЕС) – Реал Мадрид ја победи Барселона со 87:75 (40:38) во кошаркарското „Ел Класико“ од 12-тото коло на Евролигата.
По изедначено прво полувреме домаќините започнаа со серија од 8 брзи поени по паузата и поведоа со 48:38, а до крајот на третата четвртина во голема мера го решија натпреварот откако разликата стана 68:52.
Силен натпревар за Реал повторно одигра Лука Дончиќ со 16 поени, 6 скока и 7 асистенции, откако се истакна и со неверојатен кош од околу 25 метри со сирената за крај на втората четвртина.
На останатите средби беа постигнати следните резултати: Фенербахче – Жалгирис 89-90, Уникаха- Кимки 93 – 84 и Бамберг – Олимпијакос 67-65. (Крај)
извор: Стандард.мк фото: архива