Мадрид, 26. декември 2017 (ОХРИДПРЕС) – После поразот од Барселона од 3:0 на „Сантијаго Бернабеу“, стана јасно дека во редовите на Реал Мадрид мора нешто да се менува.
Според многумина, потребно е засилување во нападот на „Кралевите“ затоа што Карим Бензема веќе подолго време игра надвор од форма. Сепак, тешко е дека Реал Мадрид ќе успее да доведе некое звучно напаѓачко име во јануарскиот преоден рок, но јасно е дека Перез ќе мора да му донесе напаѓач на Зидан.
Како што пренесуваат шпанските медиуми, на мета на Реал Мадрид се неколку фудбалери, а најблиску до трансфер во Мадрид е напаѓачот на Валенсија, Рафаел Мир.
Наводно од управата на Реал стапиле во контакт со своите колеги од Валенсија и за напаѓачот нудат девет милиони евра. Мир во младинските категории го носел дресот на Барселона, а моментално настапува за Валенсија каде што претежно игра за Б тимот. (Крај)
извор: Точка.мк фото: архива