Скопје/Охрид, 3. јули 202о (ОХРИДПРЕС) – Нискобуџетната авиокомпанија WizzAir објави дека со повторното отворање на рутите од аеродромите во Скопје и Охрид, патниците можат да резервираат карти за 34 различни дестинации.

Авиокомпанијата соопшти дека моменталните рути што ги опслужуваат од Скопје се на дестинациите: Салзбург, Брисел Шарлероа, Ларнака, Копенхаген, Турку, Париз Бове, Берлин Шенефелд, Бремен, Келн, Дортмунд, Франкфурт Хан, Фридрихсхафен, Хамбург, Хановер, Карлсруе/Баден-Баден, Меминген/Минхен Запад, Нуремберг, Будимпешта, Милано Малпенса, Рим Чампино, Малта, Ајндховен, Осло Сандефјорд Торп, Барселона Ел Прат, Гетеборг Ландветер, Малме, Стокхолм Скавста, Векше и Лондон Лутон. Од Охрид, пак, се лета до Виена, Дортмунд, Милано Малпенса, Малме и Лондон Лутон.

– Со цел да се осигура дека здравјето и благосостојбата на патниците и екипажот останат непроменети, WizzAir воведува нови протоколи, за да се почитува физичката дистанца за време на чекирање и да се подобри хигиената на летот. Како дел од мерките за заштита на здравјето на патниците и екипажот на авиокомпанијата, патниците треба да се чекираат и да ги купат сите дополнителни услуги онлајн, како на пример плаќање дополнителни торби, за да ја намалат интеракција на аеродромот. За да се спречи можноста за ширење на инфекција, најучтиво се замолуваат сите патниците да се придржуваат на новите правила за физичка дистанца при влегување и излегување од авионот, соопштија од WizzAir.

Оттаму истакнуваат дека ќе продолжат со својот строг распоред за дневно чистење на целата флота, при што целиот авион ќе биде дезинфициран преку ноќ во согласност со официјалните упатства. (Крај)

извор: ОхридПрес фото: архива